Amantes do motor e das tradicións galegas, temos o pracer de anunciar a V Concentración «A Arnoia» de Vehículos Clásicos do Pemento, un evento que xa se está convertendo nunha cita imprescindible para os afeccionados aos coches clásicos e para todos aqueles que disfrutan das nosas festas populares.

Este encontro celebrarase no marco da Festa do Pemento de Arnoia, un evento que enche as nosas rúas de cor, sabor e tradición. Este ano, a concentración promete ser máis espectacular ca nunca, reunindo vehículos clásicos de diversas épocas e estilos, que nos farán viaxar no tempo e recordar momentos inesquecibles da historia automobilística.

A concentración terá lugar o día 3 de agosto con saída do Balneario ás 10:30 Os asistentes poderán admirar auténticas xoias do motor, compartir experiencias con outros entusiastas e, por suposto, degustar os nosos famosos pementos de Arnoia, recoñecidos pola súa calidade e sabor único.

Non perdades esta oportunidade de combinar a paixón polos vehículos clásicos coa nosa rica cultura galega. Esperámosvos a todos para que xuntos celebremos esta festa que enche de vida as nosas rúas e honra as nosas tradicións.

Vémonos en Arnoia!